| 5 التعليقات ]

                                                     
بسم الله الرحمن الرحيم


والصلاة و السلام على أفضل المرسلين سيدنا محمد
وأهله و صحبه أجمعين,,,


موضوعنا النهارده عن طريقة فك تشفير اليو اس بى مودم ليعمل على أى شبكة كانت
طبعا كلنا عارفين أننا لو حطينا خط فودافون فى مودم أتصالات مش هيشتغل و هيطلب رمز فك تشفير (unlock code) و العكس.
النهاردة هشرحلكوا ازاى نجيب رمز فك التشفير بتاع أى مودم بس قبل الشرح فى شوية معلومات عن المودم لابد من توافرها.
1-نوع المودم
2-موديل المودم
3-السريال نمبر بتاع المودم(IMEI)
و الحاجات دى كلها تجيبها من على كرتونة المودم اللى جاى بيها
*********************
و دلوقتى نبدأ الشرح
  • الخطوة الأولى :- فك تشفير المودم
1-حط خط لشركة تانية غير الشركة بتاعت المودم(يعنى لو المودم اتصالات حط خط فودافون أو موبينيل و هكذا)
2-لما تحط خط لشركة تانية برنامج الاتصال بتاع المودم هيطلب منك رمز فك التشفير(unlock code) هنروح على الموقع دا عشان نجيبه و نتبع الصور




هتظهرلنا البيانات دى


3-اللى يهمنا رمز فك التشفير(unlock) و اللى دايما بيبقى مكون من 8 أرقام هناخده و نحطه ف برنامج الاتصال بتاع المودم
بكده نكون فكينا تشفير المودم و خلصنا الخطوة الأولى بس قبل ما ندخل على الخطوة التانية أحب انوه أن فك التشفير دا بيكون مرة واحدة بس و بعد كده المودم يبقى مودم محايد تستخدم عليه أى شريحة لأى شركة.
  • الخطوة التانية :- تنزيل برنامج اتصال جديد للمودم لتستطيع عمل اتصال على أى شبكة
فى الخطوة السابقة احنا فكينا تشفير المودم,دلوقت هنزل برنامج اتصال جديد للمودم كى نستطيع عمل كونكشن على اى شبكة
1-هندخل على الموقع ده و نتبع الصوروبعدين هتظهر الصفحة دى

2-بعد ما تنزل برنامج الاتصال الجديد سطبه عادى جدا و أفتحه و أفتح التالى بالترتيب
tools
.
options
.
profile management
3-أختار new وحط اعدادت الشبكة اللى هتستخدمها كما فى الصورة

ETISALAT
نقطة الوصول:internet.etisalat
رمز الوصول ثابت: *99#
اسم المستخدم:لايوجد
كلمة المرور:لايوجد
MOBINIL
نقطة الوصول:mobinilweb
رمز الوصول ثابت:*99#
اسم المستخدم:لايوجد
كلمة المرور:لايوجد


VODAFONE

نقطة الوصول:internet.vodafone.net


رمز الوصول ثابت:*99#


اسم المستخدم:internet


كلمة المرور:internet

بكده يكون الشرح خلص و أنا متواجد باستمرار للرد على أى استفسارات
siege auto

5 التعليقات

غير معرف يقول... @ 22 فبراير، 2011 1:33 ص

مشكور يا باشا وهاتفضل طول عمرك باشا

غير معرف يقول... @ 1 أبريل، 2011 3:10 م

انا مشيت على الخطوات بالظبط واليو اس بى مودم بتاعى نوعه اتصالات ماتعرفش ايه اللى ممكن يكون مش مظبوط فى الموضوع

free apps يقول... @ 2 أبريل، 2011 10:40 ص

بص انا برحب بيك الاول وبقولك ان الموضوع صح بس انت هتلاقيك عملت حاجه غلط اعمله تاني بس براحتك واي استفسار انا في الخدمه

غير معرف يقول... @ 19 أبريل، 2011 5:15 م

بامانه برافو عليك وربنا انا دخت لحد ما لقيت موضوعك والله بجد فوق الممتاز ميت فل و14

3eeez يقول... @ 14 مايو، 2011 6:03 م

لو سمحت..انا لما حطيط خط فودافون فى مودم اتصالات...مرضاش يفتح خالص...وقاللى invlid simcard

إرسال تعليق